Кандида Удерзо е третата 100-годишна жена од Италија која сè уште вози автомобил. Во Италија лицата постари од 80 години мора да ја обновуваат возачката дозвола на секои две години со лекарско уверение дека се ментално и физички способни.

„Ова обновување ме прави среќна, а исто така прави да се чувствувам послободна“, изјави Кандида за италијанскиот медиум „Corriere del Veneto“, пренесува „ТheGuardian“

Која е тајната на нејзината долговечност?

„Имам среќа. Доживеав сто години и тоа што сум здрава за мене е изненадување. Никогаш не пијам апчиња, само повремено пијам апче за спиење“, рекла таа.

 

View this post on Instagram

 

A post shared by Corriere del Veneto (@corrieredelveneto)

Нејзиниот вид е добар, и како што вели таа, може да чита весници без наочари. Секоја недела наутро во шест таа е подготвена за прошетка сама или со пријателите.

„Многу сакам прошетки и немам намера да престанам со тоа“, рече таа. Почнала да практикува долги прошетки кога имала нешто повеќе од 50 години и кога станала вдовица. „Одев на прошетка со пријателите, поминував некое време во друштво, разговаравме и се смеевме. Тоа многу ми помогна. Кога се пензионирав, се приклучив на групата Лаверда. И оттогаш не пропуштив ниту една неделна прошетка“, објасни таа.