СТЈУАРДЕСИТЕ во Германија предупредуваат: „Сексуално нè вознемируваат“
Германскиот синдикат на кабинскиот персонал УФО објавил дека сексуалното вознемирување во таа дејност е сериозен проблем.
„Им се случува и на мажи и на жени, но жените се многу почесто мета на сексуалното вознемирување“, рекла Силвија Гаснер од синдикатот, која последниве две години е задолжена за решавање на тој проблем.
„Ова е многу сериозен проблем кон често се игнорира“ додала Гаснер.
Скоро воопшто нема податоци за жртвите на сексуално вознемирување меѓу кабинскиот персонал, но УФО објавил извештај во кој се наведува дека секој втор член бил сексуално вознемируван на своето работно место.
Истражувањето покажало дека во повеќето случаи тоа се случувало во авионите. Во 45% од случаите тоа го правел надредениот на вработениот, на пример пилотот. Во една четвртина од случаите персоналот рекол дека биле вознемирувани од други членови на персоналот или од страна на патниците.