Поранешниот селектор на Македонија, Стевче Стефановски, ќе биде дел од управата на Еурофарм Пелистер. Стефановски е назначен за координатор на сите младински категории во Е. Пелистер, а исто така е дел и од одбороот на директори на битолскиот тим.

„Со огромно задоволство ја информираме спортската ракометна јавност дека поранешниот селектор на македонската ракометната репрезентација, прославениот голман и поранешен тренер на РК Пелистер, Стевче Стефановски е именуван за координатор на сите младински категории во РК Еурофарм Пелистер. Воедно, Стевче Стефановски ќе биде и дел од Одборот на директори на РК Еурофарм Пелистер. Управата на клубот постигнатиот договор со Стевче Стефановски го оценува како еден огромен чекор напред во унапредување и подобрување на работата со младите категории во нашиот клуб. Убедени сме дека неговото знаење и искуство значително ќе придонесе за подобрување на квалитетот во работата со младинските категории и ќе осигура вистинска иднина на ракометот во нашиот град“, објави Е. Пелистер.