Оттогаш секојпат кога Манчестер сити гостува на „Енфилд“ секој контакт на Стерлинг со топката е проследен со свирежи и негодувања поради предавството.

Сепак, откако Манчестер сити доби двегодишна суспензија за настап во Лигата на шампионите, зачестија шпекулациите за можно враќање на Стерлинг во Ливерпул. Овие шпекулации на индиректен начин ги потврди и агентот на англискиот репрезентативец во интервју за „Лекип“.

– Иако Рахим е среќен во Сити, никогаш не го заборави Ливерпул бидејќи таму стана тоа што е денеска и како играч и како човек. Да, имаше многу „врева“ кога си заминуваше, но оттогаш помина многу време и мислам дека денеска е можно негово враќање – изјави агентот на Стерлинг.

Стерлинг можеби има желба да се врати во Ливерпул, но менаџерот Јирген Клоп има поинакви планови. На неговиот список на желби, името на Стерлинг се наоѓа на третото место. Најголема желба на Клоп во летниот преоден рок е купување на Џејдон Санчо од Борусија Дортмунд, а потоа исто така планира да пазари во Бундеслигата, како освежување во нападот го сака Тимо Вернер од Лајпциг.