Откако УЕФА драконски го казни Манчестер сити, започнаа шпекулациите за заминување на дел од најголемите ѕвезди на сè уште актуелниот шампион. Еден од нив е и англискиот репрезентативец, Рахим Стерлинг кој е голема желба на претседателот на Реал Мадрид, Флорентино Перез.

Стерлинг ги подгреа страстите и во Манчестер и со Мадрид, откако на насловната страница на весникот „Ас“ се појави со дрес на Реал Мадрид.

– Никој не знае што ни носи иднината. Јас сум фудбалеро и секогаш сум отворен за нови предизвици, но во овој момент мојот предизвик е Манчестер сити и тука сум среќен. Реал Мадрид е фантастичен клуб, кога го гледате тој дрес, јасно ви е што тој претставува – изјави Стерлинг.