Стејт департмент: Странските инвеститори ја доживуваат Албанија како тешко место за водење бизнис

Фото Nangka Press / AFP / Profimedia

Во најновиот извештај на американскиот Стејт департмент за инвестициската клима за Албанија во 2022 година, се оценува дека странските инвеститори ја доживуваат Албанија како тешко место за водење бизнис и покрај фактот што земјата нуди огромен неискористен потенцијал за странски инвестиции во многу сектори вклучувајќи ги енергетиката, туризмот, здравството, земјоделството, нафтата и рударството и информатичката и комуникациската технологија.

-И покрај здравата законска рамка, странските инвеститори ја доживуваат Албанија како тешко место за водење бизнис. Тие ја наведуваат ендемската корупција, вклучително и во судството и јавните набавки, нелојалната конкуренција, неформалната економија, честите промени во фискалното законодавство и лошото спроведување на договорите како тековни предизвици за инвестициите и бизнисот во Албанија, се наведува во извештајот, јавија албанските медиуми.

Исто така „со лошо око” се гледа и на континуираната употреба на договорите за јавно приватно партнерство (ЈПП), што „ги намалува можностите за конкуренција, вклучително и странските инвеститори”.

-Постојаното користење на договорите за јавно приватно партнерство ги намали можностите за конкуренција, вклучително и странските инвеститори, во инфраструктурата и другите сектори. Слабите анализи на трошоците и придобивките и недостатокот на техничка експертиза во донесувањето и следењето на договорите за ЈПП се постојана загриженост, се нагласува во извештајот.

Се додава дека американските инвеститори се предизвикани од корупцијата и неформалните деловни практики.

-Некои американски инвеститори се соочија со спорни комерцијални спорови со јавни и приватни субјекти, вклучително и некои кои отидоа на меѓународна арбитража. Во 2019 и 2020 година, обидот за инвестирање на американска компанија наводно бил спречен со неколку судски одлуки и сомнителни постапки на заинтересирани страни вклучени во инвестициски спор. Работата сега е во меѓународна арбитража, се наведува во најновиот извештај на американскиот Стејт департмент за инвестициската клима за Албанија во 2022 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот