Стејт департмент: Притворените исламисти се како темпирана бомба

Околу 10.000 притворени припадници на Исламска држава и нивните семејства, кои се наоѓаат во логорите на североистокот од Сирија, претставуваат голем безбедносен ризик, изјави висок претставник на Стејт департментот, наведувајќи дека милициите на сириските Курди, сојузници на САД, се целосно способни да ги чуваат.

-Темпирана бомба што отчукува е да се имаат 10.000 затвореници од кои многумина се странски борци- рече тој и го повтори ставот на Вашингтон дека тие треба да бидат вратени во земјите од кои дошле, јавија британските медиуми.

Исламска држава ги загуби речиси сите свои територии во Ирак и Сирија. Нејзиниот поранешен лидер Абу Бакр ал-Багдади беше убиен минатиот месец во американски напад во Сирија.

Светските лидери ја поздавија неговата смрт, но безбедносните експерти предупредија дека оваа група, која направи многу злосторства против верските малцинства и ги ужасна мнозинството муслимани, останува закана за безбедноста на Сирија и надвор од неа.

Сојузниците беа загрижени дека екстремистите на ИД можат да побегнат од затворите во текот на нападот на Турција врз милициите на сириските Курди, кои заробија илјадници борци на оваа група и во нивните логори чува десетици илјади членови на нивните семејства.

-Имаме целосна доверба во способноста на сириските Курди да ги обезбедат објектите за притвор во кои ги чуваат овие луѓе и го оддржуваат логорот ал-Хол, но, сепак, не сакаме ништо од сето ова да го изложиме на ризик од било кои хуманитарни, противтерористички и други причини- рече американскиот функционер од Стејт департментот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот