Градоначалникот на Општина Гази Баба Бобан Стефковски заедно со тим од општина Гази Баба одржаа средби со граѓани во месните заедници Јурумлери, Гоце Делчев, Крсте Мисирков, Маџари 2 и Јане Сандански.

Како што информираат од локалната самоуправа, на овие средби се разговарало за изнаоѓање на извори за финансирање на капитални проекти.

Со жителите од Јурумлери и Гоце Делчев се разговарало за изнаоѓање на извори на финансирање за целосна изградба на фекалната канализација во Јурумлери и Гоце Делчев, а додека со жителите од Крсте Мисирков, Маџари 2 и Јане Сандански за изнаоѓање на извори за финансирање за изградба на нова училишна зграда на ООУ „Крсте Мисирков“ во Ченто.

– Обврска е пред граѓаните да се решат децениските проблеми и затоа е потребна нивната поддршка со цел да се искористат сите можности за реализација на капитални проекти кои ќе ја направат општина Гази Баба поубаво место за живеење – стои во објавата на Општина Гази Баба.