Ставрев ќе му суди на Реал Сосиедад во Лига Европа!
Нова обврска од УЕФА за македонскиот фудбалски судија Александар Ставрев во меѓународните натпреварувања.
Нашиот арбитар ќе дели правда на натпреварот од четвртото коло во Лига Европа во Холандија помеѓу екипите на АЗ Алкмаар и Реал Сосиедад.
Во групата „Ф“ после три одиграни кола е доста неизвесно, дури три екипи ја делат моментно првата позиција со по шест бодови, АЗ Алкмаар, Наполи на Елиф Елмас и Реал Сосиедад, додека Риека на Дарко Велкоски и Милан Ристовски е последна без бодови.
Дуелот помеѓу АЗ Алкмаар и Реал Сосиедад ќе се игра в четврток со почеток од 21.00 часот, а во истиот термин во Неапол, во Неапол ќе се сретнат Наполи и Риека.
Помошници на Ставрев на овој меч ќе му бидат Дејан Костадинов и Гоце Петрески, четврти судија е Константин Влахо исто така од Македонија. Владо Свилокос од Хрватска е контролор, додека УЕФА делегат е Атила Томо од Унгарија.