Став на мнозинството менаџери во В. Британија: Прво вакцина, па враќање во канцеларија
Повеќе од пола од менаџерите во Велика Британија сакаат задолжителна вакцинација против ковид-19 за вработените кои се враќаат на работа во канцеларијата, објави „Фајненшл тајмс“.
Тие податоци се дел од студија спроведена од „Чартед менаџмент институт“ (Chartered Management Institute), со што се зголемува притисокот врз владата да ја поддржи идејата за „вакцини за работни места” кои ќе помогнат да се забрза враќањето на економијата на островот во нормална работа.
Речиси пола од менаџерите, исто така, велат дека пристапот до канцеларијата треба да биде ограничен на оние кои одбиваат да се вакцинираат од немедицински причини, покажа истражувањето со кое беа опфатени над 1.000 менаџери.
Три петтини од менаџерите веќе одлучија дека ќе ги тестираат своите вработени кога ќе им биде дозволено да се вратат на работа. Една петтина велат дека тестот ќе биде задолжителен.