Статистика: Среде пандемија зголемен бројот на милионери

Илустративна фотографија / СП. архива

Минатата година, кругот на милионери уште еднаш се прошири, и покрај фактот дека пандемијата имаше катастрофално економско влијание врз земјите низ целиот свет.

Според податоците обезбедени од BlockArabia.com, повеќе од 5,2 милиони луѓе се приклучија на клубот на милионери среде пандемија, а една третина од нив беа од САД. Бројот на милионери во САД скокна за 1,7 милиони за една година.

Пандемијата беше добра вест за супербогатите лица, а бројот на милионери се зголеми на 56 милиони во 2020 година, во споредба со 50,8 милиони во 2019 година, според извештајот на Кредит Свис. И покрај ефектите на ковид-19 врз светската економија, глобалното богатство на домаќинствата порасна за 7,4 проценти до 418,3 трилиони долари во 2020 година.

Најголем раст забележаа САД, кои минатата година примија 1,7 милиони нови милионери. Исто така, статистиките покажуваат дека најбогатите поединци во Америка го зголемиле своето колективно богатство за 1,2 трилиони долари од почетокот на кризата.

Како втора земја на оваа листа, Германија го зголеми својот милионерски клуб за 633 000. Австралија го зазеде третото место со 392 000 нови милионери, 2000 повеќе од Јапонија. Следуваат Франција и Вењлика Британија, со зголемување од 309 000 и 258 000, соодветно. Иако е рангирана на второ место во вкупниот број милионери, Кина бележи многу помал пораст на бројот од овие пет земји. Во текот на 2020 година, 257 000 Кинези се приклучија на клубот на милионери, 30 проценти помалку од Јапонија или Австралија или 2,5 пати помалку од Германија.

Извештајот на Кредит Свис исто така покажа дека 2020 година не беше добра година за милионерите во сите земји. Бразил и Индија забележаа пад од 108 000 и 66 000, соодветно, првенствено поради амортизацијата на валутата.Како земја со најголем број милионери, САД имаат 22 милиона или 39 проценти од вкупниот број на земјината топка. Тоа е четирипати повеќе од Кина, која е на второ место со 5,3 милиони или 9,4 проценти од сите светски милионери. Статистичките податоци покажуваат дека процентот во Јапонија, кој го зазеде третото место, постојано опаѓаше со текот на годините и достигна 6,6 проценти во 2020 година, а нејзината позиција сега ја загрозува Германија, која минатата година имаше 5,3 проценти од светските милионери.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот