Заврши настапот на македонската репрезентација уште во прелиминарната групна фаза на Европското првенство, а според првите најави истото ќе го завршиме на 15. место.

Групата „Б“ во Виена ја завршивме на третото место со една победа над Украина и два порази од Чешка и Австрија.

Од селекторот Данило Брестовац, капитенот Кирил Лазаров, крилото Дејан Манасков, сите играчи се свесни што ја разочараа македонската ракометна јавноста и многубројните навивачи кои се собраа да ја дадат поддршката од трибините во Виена.

Во наредниот период ќе следуваат анализи, а во продолжение погледнете ја севкупната статистика на нашите најдобри ракометари во трите настапи на ЕП.

Најслаб процент на реализација имаше играчот на бундеслигашот Магдебург, 23-годишниот Филип Кузмановски со пет голови од 13 обиди (38%).

100% ефикасност имаа Мартин Велковски, Мартин Поповски и Горан Крстевски, но тие воглавно имаа многу мала минутажа на шампионатот.

Сите погледи се насочени повторно најискусниот Кирил Лазаров кој блеска и на 39 години, со 63% реализација, 22 голови од 35 обиди.

Имавме само еден нереализиран пенал (9/10), најмногу исклучувања (три) имаше Стојанче Стоилов, а кај голманите подобар беше Никола Митревски со 18 одбрани (26%), а 10 помалку Борко Ристовски.