Стартува струшкиот турнир со дербито Еурофарм Пелистер-Металург
Денеска по подолга пауза од скоро пет месеци поради пандемијата на коронавирус ракометните клубови во нашата земја повторно ќе имаат натпревари.
Денеска ќе започне меѓународниот ракометен турнир во Струга, но годинава токму поради ситуацијата со Ковид-19 истиот ќе помине овојпат без учесници од странство.
Вкупно осум македонски екипи ќе се борат за трофејот на ова натпреварување што ќе биде еден вид подготовка за новата натпреварувачка сезона.
Од 18.40 часот е свеченото отворање, претходно од 17.15 часот силите ќе ги одмерат Струга и Прилеп, а од 19.30 часот играат Бутел и Охрид.
Првиот ден ќе биде комплетиран со дербито помеѓу екипите кои беа доста активни на ракометниот пазар и очекуваме еден интересен меч, од 21.15 часот ќе се сретнат Еурофарм Пелистер и Металург.