Селекторот Игор Ангеловски ги одреди првите 11 на кои ќе смета за вечерашната пресметка против Полска во осмиот квалификациски натпревар за ЕП 2020.

На голманската позиција е стандардниот Димитриевски, потоа во одбраната се Ристовски, Муслиу и Ристевски. Во составот е сега и Бејтулаи (кој не настапи против Словенија поради жолти картони), Николов, Спировски и Алиоски.

Во нападот исто како што беше и против Словенците, најистурени Пандев и Несторовски, а ќе им помага Елмас.

Шанса од резервната клупа ќе чекаат Илиев, Шишковски, Тошевски, Зајков, Трајковски, Радески, Дориев, Стоилов, Стојановски, Младеновски.

Потсетување дека поради повреди дуелот против Полска ќе го пропуштат Аријан Адеми, Енис Барди, Дарко Велковски, Крсте Велкоски и Иван Тричковски.