Старт на сапуницата, на „Олд трафорд“ пристигна првата понуда за Погба
Манчестер јунајтед минатото лето издржа на притисокот на Пол Погна и неговиот агент Мино Рајола и ги одби сите понуди, но изгледа дека сега се подготвени за разделба со францускиот репрезентативец.
На „Олд трафорд“ денеска пристигна првата понуда за Пол Погба, јавуваат француските и италијанските медиуми.
Според „Калчомеркато“ кој се повикува на медиумите од франција, екипата на ПСЖ е првиот тим кој направи конкретен потег и достави официјална понуда за Погба. Францускиот шампион ги нуди Анхел ди Мариа и Јулијан Дракслер во замена за Погба.
Интересно е што ПСЖ го нуди Ди Мариа, аргентинскиот репрезентативец кој во Париз пристигна токму од Јунајтед каде одигра само една сезона. Од друга страна Јулијан Дракслер и во минатото се поврзуваше со трансфер во Премиер лигата, кад еден од заинтересираните тимови беше токму и Манчестер јунајтед.
Освен ПСЖ кој прв повлече потег, огромен интерес за Погба постои и уште од две екипи, Јувентус и Реал Мадрид.
