Старо-нов член во Советот за човекови права на ОН: САД се враќаат како полноправна членка
САД ги ставаат човековите права на врвот од својата агенда и се враќаат во Советот за човекови права на ОН (УНХРЦ), соопшти денеска Стејт департментот. Во случај да бидат примени назад, САД имаат за цел да станат прв глас во советот за одбрана и почитување на човековите права.
– Имаме намера да се вратиме во Советот за човекови права и да стоиме рамо до рамо со нашите сојузници и партнери. Подобрување на Советот и промоција на неговата критично важна работа најдобро се прави со седење на истата маса, истакна Блинкен.
САД го напуштија Советот за човекови права при ОН во 2018 година. Тогашниот претседател Доналд Трамп и неговата Администрација го образложија тоа со ставот дека Советот ја критикува политиката на Израел и хипокризијата со тоа што членови на УНХРЦ се земји каде постои секојдневно угнетување на човековите права.
На 8 февруари, Блинкен изјави дека САД се вратија во УНХРЦ во својство на набљудувач, порачувајќи дека се потребни реформи во овој орган.