Старите лица ќе добиваат нега дома на државен трошок

Возрасните граѓани на кои им е неопходна грижата ќе може да користат ваква помош 80 часа месечно.

Општините до 30 април треба да ги достават своите предлози за тоа како мислат да ја организираат негата во домот на старите и болни граѓани. Услугата „помош и нега во домот“ е воведена со новиот Закон за социјална заштита од 23 мај 2019 година, а во тек е процесот кој ќе овозможи таа да се спроведе.

Возрасните граѓани на кои им е неопходна грижата може да користат ваква помош 80 часа месечно. Според најавите, за нега на лице на кое му е потребна помош, државата ќе плаќа по 240 денари за еден час, а даватели на услуги се специјализирани компании или граѓански организации.

Реакции од граѓаните

За новото законско решение и за текот на неговото спроведување, минатата недела потсети дополнителната заменик-министерка за труд и социјална политика, Санела Шкријељ. Нејзината изјавата предизвика многу коментари на социјалните мрежи. Дел од граѓаните го поздравија предлогот и споделија за нив познати искуства од светот, а дел од нив пак, сметаат дека со два ипол часа дневна нега нема да им се помогне на болните.

Еден наш сограѓанин напиша: „Паметен предлог, ќе има проблеми, ама полека ќе се решаваат“. Тој напиша и дека имал лично искуство со болни родители – неподвижна мајка и татко со деменција и смета дека помошта во домот може да биде од голема корист за лицата што може сами да отидат до ВЦ, и сами да се хранат.

Прочитајте и...  Француски план предвидува 300 милијарди евра на кредити за поддршка при економската криза

Една наша сограѓанка која живее во Германија го сподели тамошното искуство. Таа вели дека и таму има граѓани кои не сакаат да одат во домови за стари лица и ги користат услугите што се платени од државата. Во Германија по половина час доаѓа жена наутро, на ручек и на вечера, за да го измие болниот, да му даде јадење и да му даде лекови.

Критиките на граѓаните пак се насочени кон вкупниот фонд на часови во текот на месецот што може да се користи, како и во однос на парите што ќе се дадат.

„За овој вид на нега државата ќе дава по 19.200 денари за поединец. Толку се 80 часа по 240 денари. Подобро е овие пари да им се дадат на семејствата за да им обезбедат за истиот износ 24-часа нега на болните“, е еден од коментарите.

Прочитајте и...  Вашингтон пост: Трамп не реагираше навреме и адекватно за да спречи ширење на коронавирусот

Зошто нега во домот?

Истражувањата на Министерството за труд и социјала покажале дека повозрасните лица и лицата кои не можат сами да се грижат за себе е подобро секојдневно да добиваат неколку часа помош и нега во нивниот дом, каде се чувствуваат најпријатно и да продолжат да живеат во својата заедница, отколку да бидат згрижени во институција.

– Во домашни услови полесно се поднесува староста и состојбите предизвикани со болестите доколку за основните потреби добиваат помош и нега од обучени негователи – изјави минатата недела дополнителната заменик-министерка за труд и социјална политика, Санела Шкријељ.

Новиот сервис е дел од социјалната реформа на која долг период работеше Министерството за труд и социјална политика. На огласот за изразување интерес за развој на социјални услуги се јавиле 65 општини, од кои 56 пројавиле интерес за услугата помош во домот.

Нема домашна нега за оние што имаат деца што не работат

Во Законот за социјална заштита прецизирано е кој може да користи нега дома.

„Корисници на услугата се: лица со најтешка попреченост, односно комбинирана попреченост со највисок степен, потполно слепи лица, стари лица и други лица на кои им е потребна помош и нега во домот“, пишува во Законот.

Прочитајте и...  На Тајланд 102 нови случаи на Ковид-19, уште три смртни случаи

Во Законот пишува и дека оваа помош ја добива „лице на кое помошта во домот не можат да ја обезбедат неговиот брачен другар, родителите или децата, поради заснован работен однос, нарушена здравствена состојба и старост“.

Нега на државна сметка не може да користат возрасни изнемоштени лица кое склучило договор за доживотно издржување.

И понатаму постојат пари за нега од друго лице

Во Законот за социјална заштита и понатаму останува можноста граѓаните да аплицираат за помош и нега од друго лице. Оваа мерка останува за оние кои сакаат самостојно да обезбедат нега за болните, или пак овие пари да им се од помош во случај на сместување на старите лица во домови.

Висината на помошта зависи од степенот на болеста и во помал обем изнесува 3.959 денари, а во поголем обем 4.475 денари. Овој износ еднаш годишно ќе се усогласува со порастот на трошоците на живот.

Прочитај повеќе

Спасени 15 мигранти кои се обиделе да преминат од Франција во Велика Британија

Слободен печат

Епидемиологот Пашагиќ почина од последиците на коронавирусот

Слободен печат

Филипче: Ова се моите колеги кои неуморно работат на пунктовите за тестирање

Слободен печат

Премиерот Џонсон префрлен во болница

Слободен печат

Полицискиот час ги опустоши парковите, се шетаат само кучиња (ФОТО)

Ирскиот премиер ќе работи една смена како лекар додека трае епидемијата

Слободен печат

Остави Коментар

Прочитај повеќе

Заразените од коронавирус во Кипар ќе се следат преку мобилна апликација

Слободен печат

Пазарите за диви животни во Кина повторно се отвораат, расизмот кон азиската популација во САД расте (ВИДЕО)

Слободен печат

Кралицата Елизабета се обрати до нацијата: Ќе успееме во борбата против коронавирусот (ВИДЕО)

Слободен печат

Скопје како во филмот „Јас сум легенда“, само без зомби (ФОТО+ВИДЕО)

Љубиша Николовски

Баша: Нискиот број на тестови во Албанија ја прикрива вистината и чини животи!

Слободен печат

Француски план предвидува 300 милијарди евра на кредити за поддршка при економската криза

Слободен печат