Стапува на сила законот со кој новинарите, блогерите и корисници на интернет се „странски агенти”

Рускиот претседател Владимир Путин го потпиша денеска контроверзниот закон со кој се овозможува прогласување на новинари и корисници на интернет за „странски агенти”, а кој е критикуван од невладини организации за заштита на човековите права.

Законот кон крајот на минатиот месец е усвоен во Парламентот и веднаш стапува во сила.

Министерството за правда од сега ќе може да ги означи како „странски агенти” поединците кои работат за медиуми, што се класификувани како „странски агенти”.

Девет невладини организации, меѓу кои се Амнести интернешнал и Репортери без граници, изразиле загриженост дека на мета на законот би можеле да се најдат не само новинари, туку и секој блогер или интернет корисник, кој има финансиска корист од наведените медиуми.

Во новиот закон невладините организации гледаат дополнителна опасност од цензура и закана за слободата на истражување.

– Тоа ќе стане моќно орудие за гушење на опозициските гласови, сметаат невладините организации.

Рускиот закон од 2012 година им овозможува на властите да ги означат како „странски агенти” оние здруженија кои добиваат пари од странство и имаат „политичка активност”. Во 2017 година тоа е проширено и на медиумите кои работат во Русија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот