Градоначалникот на Москва, Сергеј Собјанин денеска изјави дека стапката на откривање на коронавирусот во Москва е повисока отколку во Њујорк.

– Ако го погледнеме билансот на новодијагностицирани инфекции во Њујорк и Москва за целиот период, веројатно веќе го надминавме Њујорк во однос на стапката на детекција, изјави тој за каналот Росија 24.

Собјанин уверува дека градските власти не ја кријат статистиката кога станува збор за стапката на откривање, посочувајќи дека е „направен систем за рано откривање на болеста”, пренесува ТАСС.

Во Москва денеска се потврдени 6.703 нови случаи, со што во руската престолнина се заразени вкупно 92.676 лица. Во просек, бројот на заразени лица на дневна основа во рускиот главен град расте за 7,8 проценти.

Со 11.231 нови случај на коронавирусот, петти ден по ред, Русија забележа најголемо дневно зголемување на новодијагностицирани, со што вкупниот број заразени достигна 177.000 лица.

Вчера беше соопштено дека уште неколку руски функционери се заразиле со Ковид-19.

Научниците од универзитетот за технологија и дизајн во Сингапур прогнозираат дека епидемијата на коронавирусот во Русија ќе заврши до 24 август.

Путин е опкружен со коронавирусот: Руската министерка за култура е позитивна на заразата