Голем број купувачи на станови во Грција се од Србија, пишува српски „Телеграф”.

Уникатниот спој на природна убавина, историја и култура во Грција ја направи земјата врвна дестинација за купување имот. Без разлика дали луѓето бараат можности за инвестирање, одмор или дури и постојан дом на море, Грција би можела да биде одговорот. Тоа го препознаваат луѓето, па се купувачи на многу станови во таа земја.

Според податоците на „Телеграф.рс”, цената на метар квадратен на места е двојно зголемена во однос на пред пет години. Основниот совет на грчките адвокати е да пронајдете добра агенција за да не ве доведат до „заштеда“ која подоцна легално може да ве чини многу.

Инвестициите на странските купувачи се зголемија во последниве години, дозволувајќи им на многумина да го остварат својот сон да поседуваат летна куќа за одмор во Грција.

Србите, особено поради скокот на цените во Белград, сѐ повеќе гледаат на можностите во Грција.

Странскиот купувач се соочува со бирократијата на грчкиот систем и со сите сложени процедури и фази предвидени со грчкото законодавство за завршување на конечниот договор за продажба.

Бескрупулозните агенти може да се обидат да ги убедат купувачите да заштедат пари на правни трошоци, но тоа ги прави купувачите помалку сигурни дека ќе потпишат договор на нивна штета.

Друг проблем е наследството на недвижен имот, па се случува една зграда да има повеќе сопственици. Ова е често случај со постари имоти.