Српскиот стратег Дејан Станковиќ наскоро би можел да седне на клупата на Сампдорија.

Италијанскиот клуб по поразот од Монца за викендот го отпушти тренерот Марко Џампаоло, а веднаш потоа започнаа шпекулациите за пристигнување на Станковиќ во клубот.

Сампдорија се обидуваше да го доведе Станковиќ уште во текот на летото, но тогаш тој одлучи да го продолжи договорот и да остане во Црвена Звезда. Сепак од српскиот клуб Станковиќ си замина после елиминацијата во квалификациите од Макаби Хаифа.

Во претходниот период Станковиќ се поврзуваше и со Интер како можен наследник на Симоне Инзаги ако го напушти клубот, меѓутоа ситуацијата со Сампдорија наводно е далеку посериозна.

Веста за преговорите на Станковиќ со Звезда ја потврди познатиот италијански новинар Николо Шира, еден од најдоверливите кога станува збор за Серија А. Сампдорија очајно ја започна сезоната и во овој момент последнопласирана екипа на табелата со само два освоени бодови, па јасно е дека Станковиќ ако дојде го чека тешка борба за опстанок.