Шкупи извлече поволен резултат од првиот дуел во Ерменија, иако тимот од Чаир можеше да си замине и со триумф од гостувањето, во текот на мечот водеше и со 3:1.

Претходно стратегот на чаирчани, Умит Каран на прес конференција изјави дека неговите играчи немаат намера да играат на 0:0 (1:1 или 2:2, евентуални резултати кои го водат Шкупи во наредната фаза).

Во главниот град веќе се наоѓааат фудбалерите на Александр Тарханов, овој клуб и во минатото се соочувал со македонски екипи и сите досега ги елиминирал.

Ова лето во редовите на противничкиот тим дојде и македонскиот играч одговорен во делот на одбраната, Антонио Станков кој ги сподели своите очекувања во пресрет на возвратната пресметка.

– Ова е важен натпревар за нас, во првиот дуел одигравме 3:3. Резултатот не е добар, бидејќи противникот постигна три гола, на крајот барем успеавме да извлечеме реми. Знаеме дека утре со сите сили мораме да одиме на победа. Се надевам дека и навивачите од Ерменија кои дојдоа во Скопје ќе ни ја дадат потребната поддршка и ќе ни помогнат да дојдеме до триумфот – вели Станков.