Саудиска принцеза, која била отсутна од својот стан во Париз од август, открила дека е ограбена при што останала без нејзините скапоцени чанти, накит и крзно во вредност од 600 000 евра. Таа веднаш била хоспитализирана поради вознемиреност од настанот.

Како што објавија француските медиуми, саудиската принцеза не била во нејзиниот стан во Париз од средината на август. По враќањето во четвртокот, таа го пронашла станот испразнет, без нејзините торби, накит и крзна. Вкупниот износ на пленот, според првичните проценки, изнесува најмалку 600.000 евра, наведува извор близок до истрагата.

– Сторителот влегол во станот на авенијата Жорж- , лоциран во близина на Елисејските полиња, без употреба на сила, изјави истиот извор со што ја потврди информацијата објавена од весникот „Паризиен“.

Одземени се 30-тина торби „Хермес“, проценети меѓу 10.000 и 30.000 евра по парче, часовник „Картие“, накит и крзно.

– Вкупната штета сè уште се проценува, наведува изворот.

Жртвата е 47-годишна жена, чиј идентитет не се октирва, а заради шокот таа била хоспитализирана и истражителите сè уште не можеле да ја сослушаат. Јавното обвинителство во Париз отвори истрага за случајот.