Стаменковски со златен медал во пауер-лифтинг се враќа од Атланта

Фото: МИА

Шампионот Бошко Стаменковски вечерва постигна уште еден огромен успех на Светското првенство во пауер-лифтинг кое се одржува во Атланта, САД.

Македонскиот претставник од Македонска Каменица освои златен медал во дисциплината бенч-прес, во категоријата М2, за натпреварувачи под 75 килограми, со што повторно застана највисоко на пиедесталот, како единствен претставник од Република Северна Македонија.

Како што изјави Стаменковски по завршувањето на својот настап, подигнатата тежина претставува негов личен, но и нов европски рекорд.

– Со подигнати 140 килограми, го подобрив рекордот кој го поставив пред неколку месеци на Европското првенство што се одржа во Украина, на кое подигнав 137,5 килограми. Ова воедно е и личен мој рекорд, остварен на било кое првенство на кое сум настапувал досега – изјави кратко по натпреварот Стаменковски.

Упати благодарност до сите кои го поддржале за настап на овој шампионат.

Доделувањето на медалите е закажано за вечерва по американско време, по што шампионот од Македонска Каменица се враќа во државата.

За Стаменковски ова е втор освоен златен медал и освоена титула Светски шампион во САД, по  златото во пауер-лифтинг што го освои во 2015 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот