Стајковци доби детска градинка

Фото: Општина Карпош

Нова детска градинка со капацитет за сместување на 136 деца денеска беше отворена во Стајковци. Новиот објект „Пеперутка“ е во состав на градинката „25 мај“.

Името на градинката како што рече премиерот Зоран Заев, сами го избрале родителите на дечињата.

-Дечињата тука ќе го поминуваат своето предучилишно образование во еден модерен и според сите стандарди, современ објект, рече Заев.

Градинката ќе ги згрижува децата од 2 до 6 годишна воздраст во шест воспитни групи, а оформени ќе бидат и две јаслени групи.

– Во Министерството за труд и социјална политика приоритет е секое дете што живее во државата. Затоа и отвораме градинки и во најоддалечените и рурални места, рече министерката Јагода Шахпаска.

Градинката е во целост изградена од страна на опшштина Гази Баба, а за нејзината иградба беа наменети 30 милиони денари, додека опремувањето на градинката е со поддршка на Владата и МТСП, рече градоначалникот Борис Георгиевски.

 

Видео на денот