ССНМ: Заев да се извини и да внимава што зборува за новинарите – Слободен печат
ВестиМакедонија

ССНМ: Заев да се извини и да внимава што зборува за новинарите

Самостојниот синдикат на новинари и медиумски работници (ССНМ) остро ја осудува изјавата на премиерот Зоран Заев во која тој покажа голема доза на нетрпеливост кон неименуван новинар нарекувајќи го „суетен“.

ССНМ смета дека кога вакви, како што вели, во најмала рака непримерни изјави насочени кон новинарите и медиумските работници, доаѓаат од највисоките државни функционери, може да се толкуваат, перцепираат и прифатат од дел од јавноста како отворање фронт кон новинарите, загрозување на нивната безбедност и ограничување на слободата на печатот и затоа бара од премиерот Заев да се извини.

„Нагласуваме дека на почетокот на мандатот владата на Заев ветуваше борба против нападите врз новинарите и се залагаше за слобода на изразувањето, но вчерашната изјава на премиерот Заев е во целосна спротивност на тие заложби.

Иако премиерот Заев не прецизираше за кој ‘суетен новинар’ се работи, јавноста препозна дека изјавата е насочена кон уредникот Бранко Героски, кој и самиот соопшти дека по изјавата бил цел на зголемен број напади и дискредитации на социјалните мрежи. Тоа докажува дека политичарите, а особено оние на највисоки функции мораат да бидат внимателни при своите изјави бидејќи една несоодветна изјава може да предизвика штети од несогледливи размери како кон поединци, така и врз слободата на изразување“, се наведува во соопштението на ССНМ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Еден коментар

  1. SE SLOZUVAM DEKA E COVECKI I KULTURNO DA SE IZVINI NA NOVINARITE A DALI IMA BAREM EDEN PRIMER NA NOVINAR DA SE IZVINI NA PREMIER,PREDSEDATEL ILI DRUGA KUL LICNOST? NAPISETE GO ODGOVOROT KE VI BIDAM BLAGODAREN.SO POCIT!

Напишете коментар

Вашата адреса за е-пошта нема да биде објавена. Задолжителните полиња се означени со *

Close