ССМ: Од јули минималната плата 14.934 денари, санкции за несовесните работодавачи

ССМ
ССМ / Фото: МИА

Сојузот на синдикати на Македонија потсетува дека од 1 јули минималната плата изнесува 14.934 денари без вклучени додатоци и надоместоци на плата кои треба да се пресметаат согласно колективните договори. Од синдикатот бараат надлежните институции да реагираат и да ги казнат работодавачите кои нема да исплатат минимална плата со надоместоци и додатоци на плата.

– За сите оние газди за кои нема да бидат преземени соодветни мерки и ќе бидат скриени од надлежните институции, како за исплатата на минималната плата, така и за исплатата на финансиската поддршка од државата, по пријава  на работниците, ССМ ќе поднесе кривични пријави по член 166 од Кривичниот законик против секој еден алчен газда, во името на работниците потади тоа што името и презимето на секој еден работник кој ќе се обрати до ССМ е Сојузот на синдикати на Македонија, се наведува во денешното соопштение.

Од Синдикатот изразуваат надеж дека зголемувањето на минималната плата ќе биде основа за скалесто зголемување на сите плати на работниците.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот