18.8 C
Скопје

ССМ бара итно прогласување мораториум на сите раскинувања на договори за вработување

За јавниот сектор секоја мерка што ќе биде преземена да биде согласно Законот за работните односи и Колективниот договор за јавен сектор.

Сојузот на синдикати на Македонија смета дека исплатата на минимална плата за администрацијата и јавниот сектор може да повлече и исплата и на минимална плата во целиот приватен сектор што ќе се одрази врз егзистенцијата на работниците.

– Здравствената криза не смее да премине во криза на пазарот на трудот и истата да биде надминувана на грбот на работниците преку незаконски кратења на нивните плати во овие моменти кога има покачување на сите цени на сите производи, велат од ССМ.

Апелираат да се употребат сите расположливи ресурси за да им се помогне на најранливите категории на граѓани како што се работниците, самохраните родители, самовработените, невработените, социјалните случаи и лицата со посебни потреби.

Бараат од Владата без одлагање да го донесе пакетот мерки што го предлагаат како што се мораторум на сите откажувања на договорот за вработување во период од 60 дена и исплата на плати без нивно намалување со одложено плаќање на придонесите за задолжително социјално осигурување со тоа што во рок од шест месеци по надминување на вонредната состојба, средствата ќе бидат уплатени во соодветните фондови. Се предлага и одложување на плаќањето на рати за кредити и репрограм за шест месеци за сите работници, граѓани и компании од приватниот сектор.

За јавниот сектор се бара секоја мерка што ќе биде преземена да биде согласно Законот за работните односи и Колективниот договор за јавен сектор.

– Гранските синдикати здружени во Сојузот на синдикатите на Македонија не прифаќаат донесување на никаков сет мерки надвор од рамките на ЗРО и Колективните договори од јавниот и приватниот сектор со кои ќе се намалуваат платите на работниците во државата, истакнуваат од ССМ.

Поврзани вести

Ирена Јовева: Многумина во ЕП сметаат дека уцените кон Македонија се претерани и неприфатливи

Слободен печат

Пукотница во Колорадо: Вооружен напаѓач уби едно лице и полицаец

Слободен печат

Приведено лице во Драчево по распишана централна потерница

Слободен печат

Дендиас: Грција можно е кривично да ги гони одговорните за киднапирањето на летот на Рајанер

Слободен печат

ВИДЕО | Андоновиќ: Тензии во Црна Гора – владата на Кривокапиќ пред оставка поради резолуцијата за Сребреница

Слободен печат

Анкета за бугарските избори: Разликата меѓу ГЕРБ и „Има таков народ“ е помала од 2 отсто

Слободен печат

Остави Коментар