Шилегов: Со запленетите пари од ВМРО- ДПМНЕ, ќе ги отстраниме бродовите во Вардар
ВМРО- ДПМНЕ е најбогата партија во Европа, со нивните пари, откако ќе им биде запленет имотот, ќе ги обештетиме сопствениците на галиите во Вардар, а потоа ќе ги отстраниме од речното корито, рече денеска градоначалникот на Град Скопје, Петре Шилегов.
Оваа негова изјава е реакција на новинарско прашање, дали Градот добил дозвола за чистење на речното корито на Вардар кај хотел Русија, по што одговори дека тоа е редовна активност, и за тоа не треба дозвола.
-Требаше од Министерството за животна средина да спречат градење на галиите во Вардар, а не сега да се занимаваат со редовните активности на Градот, рече Шилегов.