Министерството за внатрешни работи на Србија доби писмо од Интерпол со предупредување дека циркулираат информации за повик за групно самоубиство на млади луѓе. По тој повод, Министерството за внатрешни работи апелира до родителите да ги следат активностите на своите деца на социјалните мрежи.

Министерството било известено до Интерпол за информации што кружат на една социјална мрежа, во врска со групното самоубиство на млади луѓе, по што, иако дописот е само за информација, српското МВР веќе ги проверува наводите.

– Припадниците на Министерството за внатрешни работи со максимална претпазливост пристапуваат кон проверка на наведената или слична содржина на социјалните мрежи. Исто така, апелираме до родителите да обрнат внимание на однесувањето на нивните деца и содржината што ја следат на социјалните мрежи, соопшти српското МВР.

На крајот на јануари, Италија ја потресе смртта на десетгодишно девојче кое почина поради предизвик на „ТикТок”.

Предизвикот, како што се наведува, имал за цел да се остане што подолго без воздух, што имало фатални последици за девојчето. По овој случај, во Србија се појави веста за самоубиството на момче, што наводно имаше врска со овој предизвик на социјалната мрежа.