Српските баскетчии по петти пат се светски шампиони
Баскет репрезентацијата на Србија по петти пат е светски шампион откако во финалето на СП во баскет 3х3 што се играше во Антверпен, Белгија, со 21:16 ја совладаа Литванија.
Српските баскетчии фуриозно го започнаа финалето, поведоа до 5:0, а потоа имаа и водство од 8:1. Потоа следеше опуштање на Србија кое го искористија Литванците да ја намалат негативата и да се приближат на 13:10. Сепак,во продолжение, тројката Стојачиќ, Мајсторовиќ и Васиќ не дозволија изненадување и рутински го приведоа мечот до крајот за нова светска титула.
🎊🇷🇸SERBIA WIN THEIR FIFTH #3x3WC AT CRELAN FIBA 3×3 WORLD CUP 2022🇷🇸🎊 @KSSrbije pic.twitter.com/HJZXtUYfNl
— FIBA3x3 (@FIBA3x3) June 26, 2022
Србите доминираа во текот на целото првенство, остварија четири победи во групната фаза над Нов Зеланд (21:19), Порторико (21:19), Бразил (22:7) и Франција (22:15), а во четвртфиналето беа подобри од олимпискиот шампион Летонија (22:17), а во полуфиналето од Белгија (22:17). За најкорисен играч (МВП) на првенството е прогласен Дејан Мајсторовиќ.
Третото место и припадна на Франција која по продолжението ја совлада Белгија со 18:17.
Во женска конкуренција, нов светски шампион е селекцијата на Франција која во финалето беше подобра од Канада. Во натпреварот за третото место, Кина со 21:11 ја победи Литванија.