Селекторот на српската ракометна репрезентација, Ненад Перуничиќ предизвика шок во спортската јавност кај нашиот северен сосед бидејќи му даде отказ на својот помошник и некогашен соиграч Недељко Јовановиќ.

– Точно е добив СМС порака во која Перуничиќ ме известува дека повеќе не сум негов помошник. Да бидам искрен, не очекував вакво нешто во пресрет на Европското првенство кое започнува во јануари – изјави Јовановиќ кој објаснува што точно се случило.

– Го побарав на телефон, но не се јави. Сакав да го прашам да се направи видео материја од два натпревари на нашата репрезентација и да го поделиме на репрезентативците за да можат да ја анализираат играта. По три часа од тој повик добив СМС порака. Во пораката пишуваше: Не можеме да продолжиме понатаму. не гледаме исто на работите.