Полициските синдикат на Србија (ПСС) соопшти дека бара од МВР на Србија и обвинителстото итно да ги идентификуваат, уапсат и процесуираат провокаторите кои предизвикаа судир на полицијата и граѓаните на протестите во Бечград. Претседателот на полицискиот синдикат Вељко Мијаиловиќ во соопштението наведе дека „секој граѓанин на Србија има право на мирен начин и со протести да го изрази своето мислење, но никој нема право да ја напаѓа полицијата“.

„Постојат екстремистички и навивачки групи кои ја мразат полицијата и ја користат секоја прилика да ги напаѓаат припадниците на МВР Србија. На тоа сме сведоци во изминативе два дена. На тие лица постојано им е намера да предизвикуваат немири и што поголеми судири на полицијата и граѓаните, што сметаме дека никому не треба да му биде цел“, вели Мијаиловиќ.

Тој наведе дека „недвосмислено е утврдено дека бруталниот напад врз полицијата од вака добро опремени и подготвени групи, е однапред организирано и договорено“.

„Овде беше намерата полицајците што потешко да се повредат и да се предизвика интервенција. Ниту една полициска интервенција не е убава за око и понекогаш доаѓа до пречекорување на овластувањата, но тоа е последица од повеќечасовното каменување, фрлање на факели врз полицајците како и разни метални предмети“, рече Мијаиловиќ.

Тој апелираше на сите припадници на МВР Србија да работат на спречување на загрозувањето на животите и здравјето и притоа да ги искористат сите, со закон дозволени средства, „но само кон исклучоците“.