Веднаш по апсењето на епископот Будимско-никшиќки Јоаникие, патријархот на СПЦ Иринеј упатил итна молба до потпретседателот на САД, Мајкл Пенс.

Тој му пишал да апелира кај црногорските власти за негово итно ослободување и прекин на прогонот над свештенството и верниците на СПЦ, соопштено е од канцеларијата на Иринеј.

„Патријархот Иринеј повторно испрати молба до канцеларијата на потпретседателот Пенс, со обѕир дека верските слободи во светот се еден од приоритетите на американската влада, да направи се што е во негова моќ за да престане прогонот на верска и политичка основа во Црна Гора над епископите, свештенството и народот на Српската православна црква“, се наведува во соопштението.

Во соопштението се истакнува дека владиката Иринеј продолжува со напорите во дипломатските и круговите на власта во САД „да го привлече вниманието на страдањето и прогонот на СПЦ во Црна Гора“.