Пратениците во српското Собрание со 154 гласа го прифатија Извештајот на Владата за преговорите со Косово, пренесоа медиумите.

Претседателот на земјата, Александар Вучиќ, во своето обраќање рече дека ќе има тешки дискусии и тешка борба за Заедницата на српски општини (ЗСО) со овластувања кои ќе бидат значајни и кои ќе влеат доверба кај граѓаните.

Вчерашната расправа беше проследена со остри вербални конфликти и меѓусебни обвинувања, а седницата во еден момент беше на работ на физичка пресметка меѓу членовите на владејачката партија и дел од опозицијата, кои тргнаа кон местото каде што седеше Вучиќ.

Претседателот на Србија вчера го изнесе целиот француско-германски план за Косово. Наместо тоа, тој рече дека ќе зборува за најлошите точки од тој договор. Рече и дека има добри поенти, но дека „никој не им гарантира „морков“.

Денеска, презентирајќи го Извештајот, Вучиќ потенцира дека целта е отворена дискусија за предизвиците со кои се соочува земјата, а не префрлање на одговорноста.

Тој додаде дека „на избори одлучува народот, а не амбасадорите“ и оти идејата дека „некој некого носи на власт“ постои во „банана-државите“, додека Србија е „земја на слободата“.

„Не сакам да зборувам за ‘црвени линии’ бидејќи тогаш нема преговори, но важно e да се градат добри односи со Албанците, како и да се зголеми стапката на економски раст“, рече Вучиќ пред пратениците.