Српски тренер претепал фудбалер на полувреме
Синдикатот на професионални фудбалери во Србија го обвини тренерот на Динамо Врање, Драган Антиќ дека го претепал својот играч, Лука Ратковиќ.
Инцидентот се случил на 11 мај годинава на полувремето од натпреварот од српската Супер лига помеѓу Динао Врање и Спартак Суботица. Тренерот Антиќ на полувремето, незадоволен од прикажаната игра, му удирал шлаканици и го влечел за коса својот фудбалер.
– Претседателот и тренер на Динамо Врање, г-дин Драган Антиќ на полувреме од натпреварот со Спартак, го претепал играчот Лука Ратковиќ. Тој му удирал шлаканици пред бројни сведоци, а потоа го влечел за коса, му се внесувал во лице, го навредувал со погрдни зборови, а потоа го искршил инвертарот во соблекувалната и уште еднаш му задал неколку удари во главата на својот фудбалер. Сето тао е направено поради незадоволството од прикажаната игра на Лука Ратковиќ – стои во соопштението на здружението на професионални фудбалери на Србија.