Поголем дел од српските спортисти кои настапуваат во Турција одбиле да се вратат во татковината бидејќи задолжително треба да поминат 14 дена во самоизолација, а единствен кој се враќа е тренерот на Фенербахче, Жељко Обрадовиќ.

Ова го изјави министерот за надворешни работи на Србија, Ивица Дачиќ кој напомена дека денеска авион од Белград полетал кон Истанбул.

– Нашата влада секојдневно праќа по два авиони за да ги врати дома нашите граѓани. Ние вративме окоу 150 турски државјани во Истанбул, а турската влада во знак на благодарност ќе ни донира заштитна опрема.

Со истиот авион ќе си дојде дома и Жељко Обрадовиќ заедно со семејството. Интересно е што нашите спортисти не сакаа да се вратат. Кога ќе слушнат дека мора да заминат во карантин тие сметаат дека е подобро да останат таму – изјави Давиќ за српските медиуми.