Српски “Курир” со ШОКАНТНА насловна: Боки 13 се заканил, ако го убијат, доказите се кај мајка му
На насловната страница на утрешниот српски Курир се наоѓа Боки 13 и го пренесуваат неговиот наводен исказ за полиција.
– Ако ме убијат, доказите против Заев се кај мојата мајка, гласи насловот на утрешниот Курир.
На фотографиите покрај насловот, може да се види Боки 13 со неговата мајка, како и со премиерот Зоран Заев, како и Катица Јанева.
– Ако ме обесите и се обидете тоа да го прикажете како самоубиство, ако овде ме тепате, ме мачите, застрашувате, убаво сега ви кажувам, да не биде дека не сте знаеле, никој нема да биде поштеден – била заканата што наводно Боки 13 ја кажал во полиција, според Курир.
Дел од српските медиуми и во вчерашните написи за аферата „Рекет“ и новите објавени снимки од италијанскиот весник „Ла Верита“, директно го врзуваа премиерот Зоран Заев со овој скандал. Впечаток е дека овие медиуми оркестрирано излегоа со сензационалистички наслови во кои јасно се препознава намерата да се дискредитира актуелната македонска Влада и премиерот Заев.
Засега единствени осомничени во случајот „Рекет“ се Боки 13 и Зоки Кичеец, а познато е дека премиерот Заев прв пријавил наводи за рекет во обвинителството.