Амбасадорката на Србија во Шпанија, Ирена Шарац денеска е нападната во центарот на Мадрид и за случајот е отворена истрага.

Амбасадорката попладнево била нападната на улицата каде што живее, а напаѓачот и го повредил грбот. Од изјавите на присутните сведоци се сомнева дека, според неговиот говор, се работи за лице со албанско потекло.

Ирена Шарац е родена на 9 април 1980 година во Белград. Завршила Специјални академски студии – Меѓународни односи.

Има долгогодишно работно искуство во дипломатијата како помошник министер за надворешни работи за билатерална соработка со звање амбасадор, во МНР работела и како раководител на Одделот за Азија, Австралија и Пацифик, како и во секторот за билатерална соработка. Била и советник задолжен за Народна Република Кина, Република Кореја и Монголија. Работела и во Амбасадата на Република Србија во Народна Република Кина и Грција.

Зборува англиски и кинески, како и шпански и француски.

Веднаш по нападот, министерот за надворешни работи Марко Ѓуриќ објави дека амбасадорката Шарац била физички нападната во Мадрид.

I condemn, in the strongest possible terms, the insidious physical attack on our @SRBinSpain Ambassador Irena Sarac in downtown #Madrid.

Such acts of violence are unacceptable and must be met with swift and decisive action.

We call for a full investigation and accountability…

— Марко Ђурић (@markodjuric) September 8, 2024

„Најостро го осудувам физички напад врз амбасадорот Шарац во центарот на Мадрид. Бараме од сите власти целосна истрага и одговорност за овој невиден инцидент и чин на насилство врз највисокиот дипломатски претставник на нашата земја“, изјави шефот на српската дипломатија.

Како неофицијално го дознал амбасадорот Шарац је добро.