10 C
Скопје

Средба на премиерот Заев со претставници на Македонската горанска заедница на Косово

Премиерот Зоран Заев се сретна со претставници на Македонската горанска заедница на Косово, претседателот Авнија Рахте и секретарот и координатор Аце Димовски.

Како што соопшти владината прес-служба, на состанокот се поздравени интегративните политики на премиерот Заев и реализацијата на концептот „Едно општество за сите”.

– Констатирано е дека политиките на пријателство и дијалог на премиерот Заев се пример и силен поттик за соработка и почитување како меѓу граѓаните во државите од регионот, така и за добрососедските односи. Во таа насока е пренесено дека резултатите од политиките на пријателство и грижа се гледаат и граѓаните Горанци тоа го ценат, се додава во соопштението.

На состанокот е разговарано за помош и поддршка на некои проекти важни за Горанците во Косово, од страна на Владата во нашата држава, согласно законските можности.

Прочитајте и...  Ќе се согорува ли отпад на нивите зад Железарница?

– Соопштено е дека Македонската горанска заедница на Косово како невладина организација е регистрирана во октомври во 2007 година, со што е овозможена институционална соработка на Македонската горанска заедница којашто е традиционално присутна во Косово со тамошните власти, информира владината прес-служба.

Соработката, како што се посочува во соопштението, се однесува на прашања од економски и социјален карактер, односно подобрување на животните услови на Македонската горанска заедница на Косово, како и за заштита, грижа и афирмација на македонскиот етнички, јазичен, културен, верски, историски континуитет и статус.

– Бидете уверени дека се грижиме и ќе се грижиме за сите граѓани, вклучувајќи ги и Горанците кои живеат и работат во Косово, кои се мирољубиви луѓе и со својата конструктивност придонесуваат во мирот и во развојот во пошироки рамки, рече премиерот Заев на средбата.

Прочитајте и...  Вакцина против ковид-19 досега примиле над 26 000 граѓани, расте интересот за вакцинирање

Поврзани вести

Лондонската полиција уапси маж кој носел секира на улица

Слободен печат

Запленета рекордна количина дрога на хрватско пристаниште: Околу 500 килограми кокаин скриени во контејнер со банани

Слободен печат

Богатството на Џек Ма се зголеми за 2,3 милијарди долари за само еден ден

Слободен печат

Силен земјотрес од 5,2 степени регистриран кај грчките острови Нисирос и Кос

Слободен печат

Инцидент „тежок“ 916 милиони долари: Властите на Суецкиот канал бараат од сопственикот на бродот да ја плати оштетата

Слободен печат

Кривична пријава за насилство врз дете во Кочани

Слободен печат

Остави Коментар