Среброто повторно е во мода: Во време на криза се инвестира во благородни метали
Во време на економска несигурност, луѓето вложуваат во инвестиции кои традиционално се најбезбедни.
Историјата покажа дека најдобрата заштита е во благородните метали како златото и среброто, но во време на економски кризи златото секогаш е најпопуларно, додека среброто е во „сенка“. Се поставува прашањето колку е тоа оправдано.
Во минатото за среброто се говорело дека е злато на „малиот“ човек, а во некои делови од историјата двата метала се третираат исто во трговската размена. Но, во 1983 година, среброто ја губи својата вредност во однос на златото и до денес оваа состојба е непроменета.
Во март оваа година, разликата во цената на среброто и златото беше 1:126, односно златото за 126 пати беше повредно од златото. Досега среброто на два пати му се доближило на златото и тоа за време на големите инфлаторни кризи во 1919 и 1980 година.
Но, светот повторно е на прагот на нова инфлација, па може да се очекува голем скок на вредноста на среброто. Во моментов разликата со златото е 1:81, што значи дека веќе се направени големи инвестиции во среброто. Според некои проценки би можело набргу и сребрените залихи да се зголемат за пет пати, што би значело и враќање на стариот сооднос со златото од 1:1,15.
Треба да се има в предвид дека постојано се зголемува и потражувачката на среброто во индустриски цели, бидејќи овој метал е незаменлива компонента од голем број на уреди.