Македонскиот велемајстор за шаховски композиции Зоран Гавриловски на деветтиот Светски куп на ФИДЕ за составување на шаховски композиции освои сребрен медал (со второнаграден проблем) во групата матови во два потега и беше четвртопласиран во групата матови во 3 потези и групата матови во четити и повеќе потези.

Гавриловски медалот и уверенијата ќе ги добие за време на 63. годишен конгрес кој од 16. до 23. октомври ќе се одржи во Родос, Грција.

Најуспешни на деветтиот Светски куп се шаховските композитори од Русија со пет златни златни, четири сребрени и еден бронзен медал. Најдобар учесник е рускиот велемајстор за шаховски проблеми Евгениј Фомичев кој освои два златни медали.