Срце јуначко, Вардар во финале
Вардар продолжува да испишува историја во европскиот и во македонскиот ракомет. Вардарци успеаја да ја совладаат Барселона со 29:27 и утре против Веспрем ќе се борат за втората титула во Лигата на шампионите.
Историјата се повтори и годинава, откако пред две години Барселона беше пречката пред Вардар во походот кон европската титула, и повторно падна во полуфиналето иако важеше за голем фаворит.
Но варварци покажаа дека фаворити постојат само на хартија.
Сега успехот на Вардар е поголем, избраниците на Роберто Гарсија Парондо успеаја да се надминат себе си во второто полувреме и негативата на полувремето од седум голови (9:16) благодарение на фанатичната игра во одбраната каде фанстатично диригираше голманот Дејан Милосављев со 18 одбрани, направи историски пресврт и се пласира во финалето.
Јунак во нападот беше Криштопанс со десет постигнати голови.