Србите на „Инстаграм“ останаа гневни откако се појави фотографија за која тврдат дека е нов рекорд на цената на тоалетната хартија во земјата. Имено, 16 парчиња тоалетна хартија чинат дури 1.499 динари, или 780 денари, пренесува српски „Курир“.

Овој артикл за една година во Србија поскапел од 11 на 122 отсто, во зависност од квалитетот, производителот и пакувањето, но речиси секојдневно на социјалните мрежи низ таа земја се појавуваат коментари од гневните граѓани кои се шокирани од цената на тоалетната хартија.

Последната објава предизвика лавина негативни, но и комични коментари од загрижените потрошувачи..

„Поевтино ни е да си купиме нови гаќи“ пишува во еден коментар.

„Колку подобро се миете со вода, толку е почисто и поекономично“, стои во друг коментар.