Србин со автомобил влета во центар за мигранти: Не сакам мојата девојка да биде нападната од мигранти (ВИДЕО)
Србин од Обреновац со иницијали Ф.Р. бил уапсен откако со автомобил насилно влетал во центарот за мигранти во овој град, кој го чува армијата, јавуваат српските медиуми.
Инцидентот се случил околу 19 часот, при што човек се пробил низ барикадите поставени на влезот во кампот и со голема брзина возел низ него, гласно викајќи и снимајќи во живо на „Фејсбук“.
„Не сакам мојата девојка да биде нападната од мигранти. Не сакам муслиманска држава. Не сакам војска да ме чува во мојот град. Не сакам да гледам луѓе што бегаат без причина, не сакам да го трпам ова, казната ќе биде голема”, викаше тој додека автомобилот со голема брзина „леташе“ низ мигрантскиот камп.
На излезот од кампот, тој застана и излезе пред двајца вооружени војници.
„Нема да го спуштам телефонот, ќе снимам во живо. Не сакам мојата девојка да биде нападната од мигранти во Обреновац! Не сакам мојата војска и мојот народ да чуваат мигранти! Не сакам православието да им го отстапам на муслиманите и нема да го дозволам тоа, верувајте ми!“, викаше тој кон војниците.
Во инцидентот никој не е повреден, а Ф.Р набрзо потоа бил уапсен од полицијата.
Погледнете го насилниот упад: