Србинот Милинко Р. (28) кој додека бегал од полицијата ја покосил студентката Јохана Хан, во четвртокот во Берлин е осуден на доживотен затвор за двоструко убиство пренесува Курир.рс.

Според германските медиуми, Милинко минатата година, ја удрил девојката со автомобил, по што таа починала, но загинал и совозачот кој бил со него во автомобилот. Не му е простено ни пребрзото возење и бегство од полицијата.

Мајката на настраданата студентка после судењето изјавила дека и олеснало откако слушнала дека правдата е спроведена.

„Сега може сите да продолжиме понатака, а нашата ќерка да почива во мир“ рекла таа за локалните медиуми.

Несреќата се случила минатата година додека девојката возела велосипед, а на неа налетал автомобил.

Според германските медиуми тој се движел со брзина од 80 километри во зона каде е дозволено само 30. Откако забележал дека полиција го следи, поминал на црвено и удрил во девојката, како и во уште неколку автомобили.