Србија: Уапсен осомничен за грозоморното злосторство над семејството Ѓокиќ, убиецот им бил роднина?
Српската полиција уапси осомничен за грозоморното убиство на тројца членови на семејството Ѓокиќ на почетокот на месецов, а дел од медиумите јавуваат дека се работи за роднина на убиените.
Информацијата за уапсениот осомничен е потврдена од страна на српската полиција, а полициски извори неофицијално откриваат и дека при апсењето е пронајдена голема сума пари која наводно им припаѓала на убиените Горан, Гордана и Лидија Ѓокиќ.
На имотот кој го користел осомничениот, според истите извори, пронајдени се и други предмети кои без сомнение потекнуваат од суровото убиство.
Тројцата членови на семејството Ѓокиќ беа убиени минатиот месец, а полицијата со недели трагаше по нив, откако беа пријавени како исчезнати. Тие биле на гости во село во близина на градот Алексинац, од каде доцна навечер со автомобил тргнале кон дома, но не стигнале.
Телата на убиените беа пронајдени на непристапен терен во околината, изгорени и закопани во дупка.