Припадниците на српското МВР во Нови Сад уапсиле две лица на 22-годишна возраст и едно 26-годишно лице, поради основано сомниение дека извршиле тешка кражба. Полицијата се сомнева дека утринава во околу 5 часот со возило пробиле ѕид на менувачница и украле сеф со околу два милиони српски динари (17 илјади евра).

Тие набрзо по настанот се уапсени во околината на местото Бач каде го извршиле делото, пронајден е сефот со парите и автомобилот кој е користен за време на извршување на делото. Кај еден од разбојниците, кај кого е извршен претрес во домот, е пронајдена автоматска пушка.

Надлежните се сомневаат дека истите три лица во јануари оваа година извршиле кривично дело разбојништво, така што вооружени со автоматска пушка украле извесна сума на пари од менувачница во местото Селенча.

Тројцата осомничени се во притвор.