На тој начин со новата победа најдобрите српските кошаркари го очекуваат дербито во групата Д против селекцијата на Италија.

Србите поведоа со 5:0 со поените на Стефан Бирчевиќ, но Филипинците со серија од 9:2 направија пресврт и го натераа Ѓорѓевиќ да го побара првиот тајм-аут. После минутата одмор на теренот постојано имаше само еден тим, Србија одигра многу посериозно во нападот и со серија од 9:0 најави уште едно одлично издание.

После 10 минути игра водеше со 28:13, а во финишот на првото полувреме беше и +27 разлика, а во листата на стрелците не се запиша само Бобан Марјановиќ кој не ни доби шанса за настап. И во третата делница продолжија во ист ритам, расположениот Богдан Богдановиќ со две тројки во низа иницираше голема серија, а како што поминуваше времето, така и позитивата растеше. Во последната четвртина влегоа со неверојатни плус 51 и дури 99 постигнати кошеви.

Бјелица беше најефикасен во победничките редови со 20 поени (4/4 од игра, 3/3 за три, 3/3 од слободните фрлања), Богдановиќ постигна поен помалку (4/5 за три). Во поразениот тим се истакна Хајмар Перес со 16 поени, три помалку забележа Пол Џон Далистан.

Србија в среда ќе игра против Италија со почеток од 13.30 часот за првото место во групата.