Србија: Почнува исплата на девизни заштеди на поранешните штедачи на СФРЈ

Српското министерството за финансии денеска соопшти дека плаќањето на првата рата на девизните заштеди на поранешните штедачи на СФРЈугославија ќе започне на 28 февруари, а со оваа постапка Србија ја исполнува својата меѓународна обврска за исплаќање на девизните заштеди во согласност со пресудата на Европскиот суд за човекови права во Стразбур.

Како што јави дописникот на МИА од Белград, во соопштението се вели дека Србија, за потребите на оваа правна трансакција, „издала обврзници во висина од 87 милиони евра, кои денес се запишани на сметките на штедачите на кои им е утврдено правото на исплата, додека за исплата на првата рата вкупно се издвоени 10,89 милиони евра“.

-Исплатата на девизната заштеда се врши врз основа на Законот за регулирање на јавниот долг на Република Србија, врз основа на неисплатена девизна заштеда на граѓаните депонирани во банки чие седиште е на територијата на Србија и нивните филијали на териториите на поранешните републики на СФРЈ. Исплатата ќе се изврши во осум еднакви полугодишни рати почнувајќи од 28 февруари, кога доспева првата рата, заклучно со 31 август 2023 година, кога доспева осмата и последната рата, соопштија од Министерството за финансии.

Штедачите оваа година ќе добијат уште една рата на 31 август.

Износот од 87,1 милиони евра вклучува повеќе од 6.400 штедачи за кои е утврдено дека имаат право на исплата на заштедата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот